ವಿಶ್ವ ಮಹಿಳಾ ದಿನದಂದು ನಮ್ಮ ಸ್ಪಂದನ ಸಿರಿಯೊಂದಿಗೆ

ದೀಪಲಕ್ಷ್ಮಿಪೂಜೆ.

ಬಾಲಮಂದಿರದಲ್ಲಿ ಬಾಲಕಿಯರಿಗೆ ಬಾಗಿನ ಸಮರ್ಪಣೆ.

ಸಮಭಾವದ ಪ್ರಭಾವ

ಒಳಗೊಂದು ಭಾವ
ಹೊರಗೊಂದು ಭಾವ
ಲಗ್ಗೆ ಇಡುವುದು
ಆರೋಗ್ಯದ ಅಭಾವ
ಸಕಲಕೂ ತಳೆಯೇ
ಸಮಭಾವ
ಪಡೆಯುವೇ
ಯೋಗಾಯೋಗದ
ಪ್ರಭಾವ..ಹೊಂದುವೆ
ಅಂದದ ಆನಂದದ
ಮುಖಭಾವ..!!

ಬದ್ಧತೆ 

ಎಲೆ ಉದುರಿತೆಂದು
ಮರ ಮರುಗದು
ಎಲೆಯೂ ಉದುರಿದೆನೆಂದು
ಕೊರಗದೇ ಕರಗಿ
ಮುಂದಿನ ಚಿಗುರಿಗೇ
ಮರದ ಬೇರಿಗೆ ತನುವಾಗಿ
ಸ್ವಾರ್ಥ ಮೆರೆವಗೇ
ಸಹಕಾರ ಸೌಹಾರ್ದತೆಯ
ತತ್ವ ಸಾರುವುದು

ಹಾಸನಾಂಬಾ ಮಹೋತ್ಸವದಲ್ಲಿ ಭಕ್ತಿ ಸಂಗೀತ ಸೇವೆಯ ಸುಯೋಗ. 

 "ಕಾಣುತಿಹವು ಕಂಗಳು ಹಾಸನಾಂಬೆಯಾ ರೂಪ

ನಸುನಗುತಾ ಕುಳಿತಿಹಳು  ಕಳೆಯಲು ಭವದಾತಾಪ

ಮಾತೆ ಮನದ ತುಂಬಾ  ಪ್ರೇಮ ಸುಧೆಯ ತುಂಬಿ

ಸೆಳೆಯುತಿಹಳು ವರುಷಕೊಮ್ಮೆ ಭಕ್ತರಾ

ಪರಮ ಪ್ರೇಮದಿಂದ  ಪರಮ ಸ್ನೇಹದಿಂದಾ"

 

"ಬಂತೂ ದೀಪಾವಳಿ ದೇವೀ ರೂಪವ ತಾಳೀ"  

ಈ  ಎರಡು ಸ್ವರಚಿತ  ದೇವಿ  ಗೀತೆಗಳನ್ನೂ ಹಾಡುವ  ಸದಾವಕಾಷಕ್ಕಾಗಿ ಸಂತೋಷವಾಯಿತು. 

ಸಮಸ್ತ ಜನತೆಗೂ ದೀಪಾವಳಿ ಹಬ್ಬದ ಹಾರ್ದಿಕ ಶುಭಾಶಯಗಳು

 

 

ಹೀಗೊಂದು ಸವಿನೆನಪಿ ನೊಂದಿಗೆ ತಮ್ಮೆಲ್ಲರಿಗೂ 

 ಕನ್ನಡ ರಾಜ್ಯೋತ್ಸವದ ಶುಭಾಶಯಗಳು 

 

 

 

ರಾಷ್ಟ್ರ ಸೇವಿಕ ಸಂಘದಿಂದ ಆಯೋಜಿಸಲಾಗಿದ್ದ ೧೫ ದಿನಗಳ ಶಿಬಿರದಲ್ಲಿ ಪ್ರಭಂದಕಿಯಾಗಿ ಸೇವೆಯಲ್ಲಿದ್ದ ಸಂದರ್ಭದಲ್ಲಿ, "ಜಯಭಾರತ ಜನನಿಯ ತನುಜಾತೆ ಜಯಹೇ ಕರ್ಣಾಟಕ ಮಾತೇ,ಜೋಗದಸಿರಿ ಬೆಳಕಿನಲ್ಲಿ",ಗೀತೆಯನ್ನುನುಡಿಸುವ ಸದವಕಾಶ

ಇರು ನೀ ಗಂಗೆ ಹಾಂಗ 

ಹೇಳಿದ್ದಕ್ಕೆಲ್ಲಾ ಹೂಂಗುಟ್ಟದೇ
ಹಾಂ ಎಂದೊಡೇ
ಹಾವಾಗಿ ಕಚ್ಚುವನು ಎಚ್ಚರ
ಹಮ್ಮಿನ ಅಹಂಮ್ಮಿನ 
ಶೃಂಖಲೆಯ ಶೃಂಗದೇ
ಹುಟ್ಟಿಂದ ಹೊರಗಿಟ್ಟ ಹೆಜ್ಜೆಗೆ,  
ಹೆಣ್ಣಿಗೆ ಹೆಣ್ಣೇ ಹುಣ್ಣಾಗಿ
ಕೀವು ರಕ್ತ ಸೋರಿ
ರಣವಾಗಿ ನೊಂದು ಬೆಂದು
ಹಾರಾಡಿ ನೆಕ್ಕಲು ಕೂರುವ
ನೊಣಕೆ ನಿರ್ಲಿಪ್ತೆ,  
"ನಾ... ನಿರದ ನೀನು"
ಸೈರಣೆಯ  ವಿತರಣೆ 
ಸರ್ವದರ್ಪಕೂ
ನುಡಿಯ ಮಿಡಿಯೆ 
ಮರಣ ಮೃದಂಗ,
ಮೌನತರಂಗ  ಗಂಗಾ ತರಂಗ  




 
 
 

ಸೂಜಿಮೇಲೆ

ಮಮತೆ ಪ್ರೀತಿ ವಾತ್ಸಲ್ಯದ
ಸಂಭ್ರಮಕೆ ಕಟ್ಟುವರು
ನಟನೆಯ  ಪಟ್ಟ
ನಿಂದೆಗೆ ಅಂಜಿ ಹಿಂಜರಿದಾಗ
ಮುಟ್ಟಿಸುವರು
ಜನಸೇರದವರ ಮಟ್ಟ

ಬೆರೆತಾಗ

ಸೊಸೆಯ ಗಂಡ ಆಗಿದ್ದನು
ಅಕ್ಕರೆ, ಅಮ್ಮನಿಗೆ ಅಂದು. 
ಸೊಸೆಯ ಸಕ್ಕರೆಯ ಮುಂದೆ
ಅಮ್ಮನ  ಅಕ್ಕರೆಯ ಮಗ 
ಮಕರ ವಾಗಿದ್ದಾನೆ  ಇಂದು
ಅಕ್ಕರೆ ಸಕ್ಕರೆ ಬೆರೆಯೇ ಆಗನೇ
ಮುದ್ದುಮಗ ಮಧುಮಗ ಎಂದೆಂದೂ

ಪ್ರವಾದಿ

ಹೆಂಡತಿಯ ನಟನೇ ಹೆತ್ತವಳ
ರುದ್ರ ನರ್ತನಕೆ ಬುನಾದಿ
ಹೆತ್ತವಳ ನಟನೇ ಹೆಂಡತಿಯ
ರುದ್ರ ನರ್ತನಕೆ ಬುನಾದಿ
ನಟನೆ ನರ್ತನಗಳ ನಡುವೆ
ನರಳುತಾ ಆಗುವನು ಪ್ರವಾದಿ

ಸಿಂಬಿಯಾದವರು
ಮೆಟ್ಟಿಲೇರುತ್ತಿರುವವರ ಮೇಲೆಲ್ಲಾ
ಒಂದೊಂದು ಗೂಬೆಗಳ ಹೊರಿಸಿ
ಎಲ್ಲರಿಂದಲೂ ನಂಬಿಕೆಯ ದೂರವಿರಿಸಿ
ಗೂಬೆಗಳ ಹೊತ್ತವರ ತಾ ಹೊಕ್ಕು
ಕೆಕ್ಕರಿಸಿ ನೋಡುವಂತಿರಿಸಿ
ನಂಬಿಕೆಯನೇ ಬೆಪ್ಪಾಗಿಸಿ
ದೂರೀಕರಿಸಿದವರ ಒಳಸರಿದು
ಪಾಪದವನ ಪರಕೀಯ ನೆಂದೆನಿಸಿ
ಸಭೆಯಲಿ ಸಭ್ಯತನವನು ಮೆರೆವ  
ನಾಜೋಕೇ ... ನೀ .. ಜೋಕೇ ... !
ಬಣ್ಣ ಬಯಲಾಗಿದೀತು  ಒಮ್ಮೆ  
ಗೋಸುಂಬೆ ಎಂದರಿವ  
ಸಮಯವೂ ದೂರವಿಲ್ಲ. 
ಇಲ್ಲಾ ...,ಬಣ್ಣ ಬಯಲಾಗಿತ್ತು  ಒಮ್ಮೆ ,
ಗೋಸುಂಬೆ ಎಂಬುದೂ
ವೇದ್ಯವಾಗಿತ್ತಾದರೂ 
ಸಾಮ್ರಾಜ್ಯ  ಸ್ತಾಪಿಸಿಯಾಗಿದೆಯಲ್ಲ ,
ಸಾಮ್ರಾಟನ ಎದುರು
ಸಣ್ಣವರಾಗುವ ಬದಲು
ಗೆದ್ದೆತ್ತಿನ ಬಾಲ ಹಿಡಿದೆತ್ತಿ,
ಬಣ್ಣ ಪರದೆ ಇರದೇ ಮೇರುನಟರಾಗಿ
ಮೆರೆದಾಡುವರು ಕೂಟದಲಿ
ಗೂಬೆಗಳ ಹೊತ್ತವರು ,ಸ್ವಂತಿಕೆ ಸತ್ತವರು 
ಗೋಸುಂಬೆಗೇ ಸಿಂಬಿಯಾದವರು 

ನಿನ್ನನೀ.. ಗೆಲ್ಲು..!!!


ಎಲ್ಲವನು ಬಲ್ಲವನು
ಎಂದೆಣಿಸಿ ಬೀಗುತ
ತಾಮಸ ಗುಣಗಳ
ಗೆಲ್ಲುವಲಿ ಸೋಲುತ
ಬಿದ್ದರೂ ಮೀಸೆ
ಮಣ್ಣಾಗದ ಪರಿ
ಪರಿಹಾಸ್ಯಕೆ ದಾರಿ 
ಮೊದಲು ಹಿಡಿ
ನಿನ್ನನೀ ಗೆಲ್ಲುವ ಗುರಿ
 
ನರ..ನರಿಯಾದಾಗ 


ಮರಹತ್ತಿಸಿ ಬುಡ ಕತ್ತರಿಸಿ
ಕಾಣದಂತಿದ್ದರೂ
ಬಿದ್ದಲ್ಲೇ ಬೇರ್ಬಿಟ್ಟು
ಚಿಗುರೊಡೆದು ನಗುವಾಗ
ಕಡಿದುಬಿದ್ದ ಕೊಂಬೆ 
ಕೊನರಿ ಎದ್ದು  ಬೆಳೆವಾಗ
ಪೊಳ್ಳು ಭರವಸೆಯ ಮೂರ್ಖ 
ನರಿಯಲ್ಲದೆ ನರನೇ..??

ನೀನೊಂದು ನಗುವ ಹೂವಾದೆಯಲ್ಲಾ  

ಓ ಹೂವೇ ನೀನೊಂದು ಅಂದದ ಹೂ
ಅಂತರಂಗದಲಡಗಿದೆ
ಯಾರರಿಯದ ನೋವು
ಕೊಂಬೆರೆಂಬೆ ಕಣಕಣವು ಮುಳ್ಳು

ಅದಲೆಕ್ಕಿಸದೆ ನೀನಿಂದು ಅರಳಿ 
ಘಮಘಮಿಸುತಿಹೇ ಪರಿಮಳ ಬೀರುತಿಹೆ
ಪ್ರಕೃತಿಯ ಸೊಬಗ ಇಮ್ಮಡಿಸುತಿಹೆ
ನೋವ ಮರೆತು ಅರಳಿ ನಗುತಲಿರುವೆ,

ನಿನ್ನ ಹಿರಿಮೆಗೆ ಹಿಗ್ಗುವರಿಲ್ಲ,
ಇದ್ದುದೊಂದು ಮನ ಇಂದಿಲ್ಲ,
ಮೋಡದಲಿ ಮಿನುಗುವ ತಾರೆಯಗಿದೆಯಲ್ಲ,
ಆ ಹಿಗ್ಗಿನ ನೆನಪೇ ಒಂದುತ್ತೇಜಕವೆಲ್ಲ

ಒಂದೊಂದೇಳ್ಗೆಯ ಹಿಂದೆಯೂ 
ಆ ಹಿಗ್ಗಿನ ನೆನಪೇ ಕಂಬನಿಯ 
ಹೊಳೆಯಾಗಿ ಹರಿಯುತಿದೆಯಲ್ಲ 
ಮೈ ತುಂಬಿ  ನೋವು ಮೊಗತುಂಬಿ ನಗುವು 

ನಿನ್ನಳಲು ನಿನ್ನನ್ನೇ ಬಾಡಿಸಿ 
ಬಸವಳಿಸುತಿದೆಯಲ್ಲ ಅದರಲೇ 
ನಗುನಗುತಾ ಚಿತ್ತಾರ ಹಾಡಿರುವೆ,
ಮುದ ನೀಡುತಿರುವೆ. 

ಬಾಡುತಿಹ ಹೂಗೆ ಮಳೆ ಹನಿದಂತೆ  
ತಾರೆ ಮಿನುಗಿ ಮರೆಯಾಗುತಿದೆ
ಆ ನೋವಲೇ ನಗುನಗುತಾ 
ಅಂತ್ಯವಾಹ್ವಾನಿಸುತಿರುವೆ,

ಶಿವನ ಪಾದದಡಿ ಸೇರಲು ಅನುವಾಗುತಿರುವೆ 
ಭವ್ಯ ಭವಿತವ್ಯಕ್ಕೂ  ಮೊಗಮಾಡಿ ನಿಂತರೂ
ಭೂತದಂದದಿ  ಕಾಡಿ ಇರಿಯುತಿದೆಯಲ್ಲ 

ನೆರಳು ಬಿಸಿಲಾಟದಲಿ  ನಲುಗುತಿಹ ಹೂವೇ 
ನೋಡಲು ನೀನೊಂದು ನಗುವ ಹೂವಾದೆಯಲ್ಲಾ   

ನಿಸ್ವಾರ್ಥ ಅಮಂಗಲವೇ ...?

ಸಕಲ ಜವಾಬ್ದಾರಿಗಳ ಹೊತ್ತು

ಬಯಕೆಗಳ ಬದಿಗೊತ್ತಿ

ತನ್ನವರ ಏಳಿಗೆಗೆ

ನಿಂದೆ, ನಿರ್ಲಕ್ಷ್ಯ ,ಅನಾದರ ,

ಅವಮಾನಗಳನೆಲ್ಲ ಸಹಿಸಿ

ಅವಿರತ  ಸೆಣೆಸಾಡುತ 

ತನ್ನವರ ನಗುವಿನಲೇ

ನಲಿವನ್ನು ಕಾಣುವಳುಮಂಗಳಕೆ

ಅಮಂಗಲೆಯಾದೊಡೇ  

ಶ್ರಮಿತ  ತ್ಯಾಗಕೆ ತೊಡಕಾಗಿ

ಕುಕೃತ್ಯವೆಸಗುವರು

ಸುಮಂಗಲೆಯರೇ…??????

ಕುಂದಣದ ಹೊಳಪು

ಹೊರಗೆ ನೀ  ದಣಿಯದಿರು

ಅಂದ ಚೆಂದದ ಉಡುಗೆ ತೊಟ್ಟು

ಎನ್ನೆದೆ ತುಂಬಿ ಕಣ್ತುಂಬಿ,

ಮನತುಂಬಿ ,ಮನೆತುಂಬ

ನಡೆದಾಡುತಿರು.ಸಾಕೆನಗೆ .. 

ನಿನಗೆ ನಿನ್ನಮ್ಮನಂತೆ ,

ನನಗೆ ನೀನಮ್ಮನಾದೆ ,

ನಿನ್ನ ಮಡಿಲಲ್ಲಿ ನಾ
ಕಂದನಾದೆ.ಎಂದವರು

ಒಲವೆಮ್ಮ ಬದುಕು ,
ಕುಂದಣದ ಹೊಳಪು .
ಕೋಟ್ಯಾಧಿಪತಿಯಾದವಗೂ 

ಸಿಗುವುದೇ..  ಈ ಬದುಕು ..?

 

 

ನಾನಿರದೇ ಹೇಗಿರುವೆ..!!!!.. ?

ನೀನಿರದೆ ಹೇಗಿರಲಿ..!!!.. ?

ನೀನಿರದ ಆ ಬದುಕು

ಕಲ್ಪನೆಗೂ ಕೊಡಲಾರೆ ...

ನಾನಿರದ ನಿನ್ನ ಬದುಕೆಂತು..ನೆನೆಯಲಿ ..

 

 

ಕೈತುಂಬಾ ಪೂಜಿಸಿ
ಮನತುಂಬಿ ಹರಸಿ 
ಸಂತಸದಿ ಬಿಳ್ಕೊಡುವೆ 

ನೀ ಮೊದಲೇ.. ನಡೆದುಬಿಡು.ಎಂದವರು,
ಹೇಳದೆಯೇ ಹೊರಟಿರಿ  ಎಂತು..?

--

kalavathi G.S

ನೋವೇ…ವಿಸ್ಮಯ..!!!!!!-35

ಬದುಕಿನೊಳಗೆ ಇದ್ದುಕೊಂಡೆ 

ಬದುಕಿನಾಚೆಯ
ದಿವ್ಯಚಲುವಿನನುಭವಕೆ ನೋವೆ 

ಬದುಕ ‘ನಾವೆಯಾಗುವ’

ಪರಿಯೇ ವಿಸ್ಮಯ..!

 

ದೂರು ಸಂಕಷ್ಟಗಳೇ

ಶುದ್ಧಭಾವಕ್ಕೆ ದೂಡಿ,

ದೇವನಲಿ ಮೊರೆ ಇಡುತಾ

ಸವಾಲಾಗಿ ಸ್ವೀಕರಿಸಿ

ಸಮಸ್ಯೆಯಲ್ಲೇ ಪರಿಹಾರವನೂ

ಹೆಕ್ಕಿಕೊಳ್ಳುತಾ…..

ದಿವ್ಯ ಕನಸ ನನಸಿಗೆ

ನೋವೆ ಸಾಧನವಾಗುವ

ಪರಿಯೇ ವಿಸ್ಮಯ!

 

ಪರಮಾತ್ಮನ ಸೇರಲು

ತುಡಿಯುವ ಜೀವಾತ್ಮಕೆ

ಜೀವಿಸಲು  ಆಜ್ಞಾಪಿಸುವ 

ನೋವ ಲೀಲೆ ವಿಸ್ಮಯ!

 

ಅಲೌಕಿಕದ ಅನೂಹ್ಯ

ಆಕರ್ಷಣೆಯ ಅಲಕ್ಷ್ಯಕೆ

ಅರಿವೇ  ಗುರುವಾಗುವ 

ಅನುಭವವೇ ವಿಸ್ಮಯ

 

ಅರಿವು ಕನಸೊಳಗೂ ನುಸುಳಿ

ಪ್ರಜ್ಞಾ ಸ್ತರಕೆಲ್ಲಾ ಪಸರಿ

ಜೀವಧ್ವನಿ ಮಾಮರ ವಾಗುವುದೇ ವಿಸ್ಮಯ !

 

ಬೇಗೆ ಬೆವರೆ  ಮಳೆಯೆಮಾಗಿ

ತಾನೇ ತಾನಾದಂತೆ

ನೋವು ನಲಿವೇ

ನಿರಂತರ ಬಾಳ ಆಳುತ,

ಪಾಡೆ ಹಾಡಾದಾಗ

ಮಟ್ಟ ಮುಟ್ಟಿ ಮಾನ್ಯತೆಗೆ

ನೋವೆ ಮೆಟ್ಟಿಲಾಗೊ

ದಿವ್ಯ ಪರಿಯೆ ವಿಸ್ಮಯ !!!!!                 

ಹೊಂಬಾಳೆ 


ನಗೆಹೊಗೆಯಾಗಿ ದಗೆಯಾಡುವಾಗ

ಒಳಗೆ ಸೆಳೆದಾವೋ ಸುಳಿಗಾಳಿ

ಹೊರಗೆ ಜಡಿಮಳೆ ಒಳಗೆ ದಗೆ ,

ಮೋಡ ಬಿಸಿಯಾಗಿ ಮಳೆ ಸುರಿಯೆ  ,

ಜಗತೊಯ್ದು  ಕೊಚ್ಚಿ ಹೋದಿಯೇ  ,

ತಾಳಲಾರದ ಬೇಗೆ

ಬೇಗೆ ತಾಗೆ ಸೋನೆ ಕೂಗೆ  

ಗುಡುಗು ಸಿಡಿಲ ಆರ್ಭಟಕ್ಕೆ

ಬೆದರಿ ಬೇಗೆಗಡಗುವೆ.

ಸಕಲವಲ್ಲವನ್ಎಂದು ಮೆರೆದು 

ಸಸಿಯಲೂ  ಕಲಿವುದಿದೆ 

ಎಂದರಿಯದೇ   

ಕುಬ್ಜವಾಗದಿರು ಮನವೇ

ಭಂದಗಳಲಿ ಸೌಗಂಧವಿರಲಿ  

ದುರ್ಗಂಧಗಳ ಸಹಿಸದೆ
ಕ್ಷಣದಲೇ ಕಾರುವ ಅಸಹನೆ ,

ಹೊತ್ತು ನಿಷ್ಟುರಗಳ ಹೊರೆ ,

ಹುಡಿಕಿ ಹೊರಟಿದೆ ವಿವೇಚನೆಯ ಸಿರಿ ,

ಹೊಣೆಗಾರಿಕೆಯ ಹೊಂಬಾಳೆ

ಮದುವೆಯ ಮುಂಬಾಳೆ,

ಭಾವ ಕೋಶವಿರದವಗೆ 

ಬಂಧಕೋಶವೇ...?

ಮಾಗಿದ ಮನಗಳ ಹೆಣಗಾಟ 

ಬಂಧಗಳ   ಬೆಸೆತಕೆ  ,

ಮಾಗದ ಮನಗಳ ಸೆಣೆಸಾಟ 

ಬಂಧಗಳ   ಕಸಿತಕೆ  

ಸಂಬಂಧಗಳ   ನೆನಪು  ಸಂಕಟಕೆ  ,

ಮರೆತು ಮೆರೆವುದು ಸಂತಸಕೆ.

ಕೋರಿಕೆ,
ಕವಿತೇ ,ನೀನೆಲ್ಲಿ ಅವಿತೇ ..??


ಮೊದಲಿನಂತೆ ಮೂಡಿ
ಬರುತಿಲ್ಲ ಮುದದಿ  ಏಕೋ
ಎಲ್ಲೋ  ಅಡಗಿ ಕುಳಿತೇ   
ಯಾವ ಕಾನನದಿ  ಅವಿತೇ 
ದೂರದಮಲೆನಾಡಲಿ 
ಕುಳಿತು ಕನವರಿಸುತಿಹಳು
ನಿನಗಾಗಿ   ನನ್ನೊಲವಿನಾ  ಗೆಳತಿ  
ಕತ್ತಲಲೆ ಎದ್ದು ಮೂಡಿಸಿದೆ
ಅವಳ ಕನವರಿಕೆ  
ನನ್ನೊಳಗೆ ಬಯಲಿನಲಿ 
ಬಾ ಮುದದಿ  ಮೈಮರೆಸು,
ಮನತಣಿಸು , ಅಳಲ ಆಲಿಸು,
ಬೇಗೆ ತಣಿಸಿ ಬಯಕೆ ತೀರಿಸು 
ನಮ್ಮಿಬ್ಬರ ಗೆಳೆತನಕೆ
ಸ್ನೇಹ ಸೇತುವಾದೆ ನೀನಂದು ,
ಅವಿತು ಅಣಕಿಸುತ ಕುಳಿತಿಹೆ
ಏಕೆ ನೀನಿಂದು? 
ಬಳಲಿಸುತಿಹೆ
ಇಂದೇಕೆ  ಬಾರದೇ,
ಸಾಕೆನಿಸಿದರು  ಮರುಜನ್ಮ ,
ಬೇಕೆನಿಸಿ  ಬಯಸುತಿಹಳು 
ನಿನಗಾಗಿ ನೊಂದು ,
ನರ ಜನುಮ ಮತ್ತೊಂದು . 
ಬಂದು ತೀರಿಸು ಅವಳ ಬಯಕೆ , 
ಮುಂದಿಡುತಿಹೆನು  ಗೆಳತಿಗಾಗಿ 
ಈ ನನ್ನ  ಕೋರಿಕೆ  
ಕವಿತೇ , ಬಾರದೇ
ನೀನೆಲ್ಲಿ ಅಡಗಿ ಕುಳಿತೇ ... ?? 

ಕಾರಿರುಳು 


ಅಪ್ಪ ಅಮ್ಮ
ಅಜ್ಜ ಅಜ್ಜಿಯರ
ಅನುಭವಗಳ
ಹಳೆಯ  ಚೀಲದಲ್ಲಿ  
ಗಂಟು ಕಟ್ಟಿ
ಅಟ್ಟಕ್ಕೆ ಎಸೆದು
ಆಡಂಬರದ
ಅಬ್ಬರಕೆ
ಅಡ್ಡಬಿದ್ದ
ಅಂಧಕಾರಕೆ
ಸರಿದೀತೇ
ಕಾರಿರುಳು!!??? 

ತಿನ್ನಲಾರದ ಹಣ್ಣು... ಬಲು ರುಚಿ... !!!!!!!


ಒಂದೊಂದೇ ಅಂದದ ಕಲಿಕೆಯನು   
ಹೊರಹೊಮ್ಮಿಸುವ ಹಂತದಲಿ
ಹೊಸ ಹೊಸ ಆಟ ,
ಸೊಗಸಾದ ನೋಟ


ಮುದ್ದು ಹಸುಳೆಯು  
ತೊದಲು ನುಡಿಯಲಿ
ನಿಲ್ಲಲಾರದೆ,....ನಿಂತು  
ಬಿದ್ದು..  ಅಮ್ಮಾ ...
ಎದ್ದು...  ಅಮ್ಮಾ .. . ಎನುತಾ
ನಿಂತು.... 
ನಾ ನಿಂತೆನೆಂಬ ಹೆಮ್ಮೆಯಲಿ
ಅಮ್ಮಾ ...  ಎಂದು ಕೂಗುತ
ಅಮ್ಮನ ಗಮನ ತನ್ನೆಡೆ  ಸೆಳೆಯಲು,
ಅಚ್ಚರಿಯಲಿ ಹಿಗ್ಗುತಿಹ ಕಂದನ ಕಂಡು
ಆನಂದದಿ,  ಅಚ್ಚರಿಯಲಿ ಅಮ್ಮನೂ ಹಿಗ್ಗುತಾ
ನಿಂತ ಕಂದ ಒಂದೊಂದೇ ಪುಟ್ಟ
ಹೆಜ್ಜೆ ಇಡಲು ಕಲಿತ ಕಂದ 
ಬಿದ್ದು  ಪೆಟ್ಟು ಮಾಡಿಕೊಳುತ
ಎದ್ದು ತಪ್ಪು ಹೆಜ್ಜೆಯಿಡುತ ನಗುತ
ನಡುನಡುವೆ ಅಮ್ಮಾ ಎನುತ
ರಂಜಿಸುವ ಕಂದನ ಒಂದೊಂದು 
ಕರೆಗೂ ಹಿಗ್ಗಿ  ನಲಿವ ಅಮ್ಮ
ಕಂದನ ಕಲಿಕೆಯ ಒಂದೊಂದು ಹಂತದಲೂ
ಅಮ್ಮನೊಡನೆ ಅಮ್ಮನಾದ  ಮಗಳು
ಹರುಷದ ಹೊನಲನು ಹಂಚಿಕೊಂಡು
ಹಿಗ್ಗುವ ಪುಟ್ಟ ಅಮ್ಮ,
ತನ್ನ ಕಂದನಿಗೆ
ಅಮ್ಮನಾಗುವ ಹಿರಿಮೆಗೆ ಹಿಗ್ಗುವಳು
ಪುಟ್ಟ ಪೋರಿ ಅಮ್ಮನೊಡನೆ ಆಟವಾಡುವ
ಈರ್ವ್ ರೊಡನಾಟ  
ನೋಳ್ಪ ಭಾಗ್ಯವೆಮ್ಮದು
ಆಹಾ.... ಎಂಥಾ .... ಸೊಗಸು .... !!!!!!!!!
ಮರದೊಳಗೆ ಮರ ಹುಟ್ಟಿ 
ಭೂಚಕ್ರ ಕಾಯಾಗಿ ,
ತಿನ್ನಲಾರದ ಹಣ್ಣು ಬಲು ರುಚಿ...!!!!  

ಆತ್ಮ ಸುನಾದಕೆ ನಿತ್ಯ ನಿವೇದನೆ

ಅಸಹಾಯಕತೆ ಅಗೋಚರ
ಶಕ್ತಿಯ ಬೆಂಬಲವ ನಂಬಿ
ನಡೆವ ದಾರಿ
ಧೈರ್ಯಕೆ ಬುನಾದಿ
ಸಾವಿರ ಸಮಸ್ಯೆಯ ಸವಾಲಿನಲೂ
ದುತ್ತೆಂದು ಮನದೆದುರು ದುಮುಕುವ
ಅಗೋಚರಿಯೇ ಸಹಚಾರಿ
ಎಲ್ಲನಿನ್ನ ಲೀಲೇ ಸಕಾರಕೂ ...!!!
ಎಂದುದ್ಘರಿಸಿ......
ನಕಾರಕೂ .. ನೀನಿತ್ತಂತಾಗಲೆಂದು
ನಿಟ್ಟುಸಿರಿಳಿಸಿ.....
ಅದೃಶ್ಯ ಅಮೂರ್ತವೇ ಅನಂತ
ಆದಿಗೂ ಅನಾದಿಗೂ
ಅಗೋಚರ ಅಂತಃ ಶಕ್ತಿ
ಸಾಧನಾಯುಕ್ತಿ
ಮನವ ಸಂತೈಸುವ ಮೂರ್ತ
ರೂಪ ಮುಂದಿರಿಸಿ
ಜ್ಯೋತಿ ಬೆಳಗಿಸಿ, ಪುಷ್ಪವಿರಿಸಿ
ಗಂಧ ಪೂಸಿ
ಪರಿಮಳದ ಧೂಪ ಹರಿಸಿ,
ನೈವೇದ್ಯವಿರಿಸಿ
ಕರಜೋಡಿಸಿ, ಕಣ್ಮುಚ್ಚಿ
ಸರ್ವೇ ಜನಾಹ ಸುಖಿನೋ ಭವಂತು ,
ಸರ್ವ ಕಾರ್ಯ ಸಿದ್ಧಿರಸ್ತು ,
ಎಂದು ಸ್ಮರಿಸಿ, ಸಂತುಷ್ಟಿಯಲಿ
ಸಾಂತ್ವನಗೊಳುತ ಸಕಲ ಜೀವಿ
ಸಾಗುವವು ಸಕಾರ್ಯಗಳಲಿ
ಸ್ಮರಿಸುವವು ಸಂಕಷ್ಟಗಳಲಿ
ಆತ್ಮ ಸುನಾದಕೆ ನಿತ್ಯ ನಿವೇದಿಸಿ...
ನಡೆವವು ಬದುಕ ದಾರಿಯಲಿ